Размаўляем па-беларуску

Размаўляць па-беларуску — значыць ведаць родную мову, умець спяваць на ёй песні, шанаваць народныя святы і абрады, не быць абыякавым да сябе і лёсу сваёй краіны. Мова — гэта першая крыніца, праз якую мы пазнаём свет. Валоданне роднай мовай дае магчымасць вывучаць гісторыю і спасцігаць багатую спадчыну.

Вось ужо 12-ы раз Любанская раённая бібліятэка вітала ўдзельнікаў гасцей на раённым конкурсе-віктарыне “Размаўляем па-беларуску”. Традыцыйна раённая цэнтральная бібліятэка так адзначае Дзень роднай мовы.

Вось і 20 лютага, напярэдадні Міжнароднага дня роднай мовы, бібліятэка сабрала сапраўдных аматараў і знаўцаў роднай мовы, каб праверыць хто крыху болей за іншых валодае роднай мовай.

У гульне ўдзельнічалі пяць каманд са школ раёна:

1) Каманда “Несцерка” дзяржаўнай ўстановы адукацыі “Гімназія №1 г. Любані”;

2) Каманда “Сузор’е надзей” дзяржаўнай ўстановы адукацыі “Сярэдняя школа №1 г. Любані”;

3) Каманда “Сланечнікі” дзяржаўнай ўстановы адукацыі “Сярэдняя школа №3 г. Любані імя Генадзія Леанідавіча Сячко”;

4) Каманда “Францыскі” дзяржаўнай ўстановы адукацыі “Сароцкая сярэдняя школа Любанскага раёна”;

5) Каманда “Валошкі” дзяржаўнай ўстановы адукацыі “Загальская сярэдняя школа Любанскага раёна”.

Ацэньвала здольнасці кампетэнтнае журы: 

— Баброўнік Святлана Анатольеўна — загадчык аддзела маркетынга, сацыякультурнай дзейнасці і метадычнай работы дзяржаўнай установы культуры “Любанская раённая цэнтральная бібліятэка імя І.А.Муравейкі”;

— Бурак Алена Васільеўна — выкладчык беларускай мовы і літаратуры ўстановы адукацыі “Любанскі дзяржаўны каледж”;

— Аляксеева Таццяна Мікалаеўна — начальнік аддзела ідэалогіі і па справах моладзі Любанскага раённага выканаўчага камітэта.

Каманды выконвалі наступныя заданні:

— Абарона назвы каманды;

— Разгадванне загадак; 

— Пераклад словы і словазлучэнні;

— Падбор антонімаў;

— Тлумачэнне  сэнса рэдкаўжывальных слоў;

— Скончыць прыказкі;

— «Паліндромы»; 

— Складанне слова з прапанаваных літар;

— Анаграма. 

Пераможцамі гульні сталі:

3 месца — каманда “Сланечнікі”

2 месца — каманда “Сурое’е надзей”

1 месца — каманда “Несцерка”