З 2008 года для насельніцтва 24 аддаленых вёсак працуе “Бібліятэка на калёсах”Бібліятэкарам, які абслугоўвае дадзеную катэгорыю насельніцтва, працуе Сасноўская Ірына Мікалаеўна. Вадзіцель бібліобуса – Насановіч Валерый Вячаслававіч.
У сучасных сацыяльна-палітычных і эканамічных умовах ўзрасла роля бібліятэк як найважнейшых культурных і інфармацыйных цэнтраў. Значна пашырыўся пералік бібліятэчных паслуг, ўдасканальваюцца тэхналогіі і формы бібліятэчнага абслугоўвання.

Пазастацыянарные формы работы бібліятэкі традыцыйна папулярныя ў бібліятэчным абслугоўванні. Добра вядомыя нашым чытачам такія паслугі, як работа бібліятэчных пунктаў, кніганашэнне, выезды бібліобуса ў аддаленыя вёскі. З усіх гэтых формаў за апошні час усё больш прыцягвае ўвагу бібліобус. З яго дапамогай дастаўляюцца насельніцтву кнігі і іншая друкаваная прадукцыя.
Фонд прадстаўлены беларускай, рускай і замежнай класікай, даведачнай і пазнавальнай літаратурай, гістарычнымі і жаночымі раманамі, дэтэктывамі, а таксама літаратурай для дзяцей і юнацтва. Вялікім попытам карыстаюцца перыядычныя выданні. Па меры неабходнасці фонд папаўняецца літаратурай па індывідуальных заказах чытачоў.
Перасоўная бібліятэка ажыццяўляе работу згодна з вызначаным графікам па загадзя вызначаным маршруце. Распрацавана 8 маршрутаў. Выезды ажыццяўляюцца два разы ў тыдзень, што дазваляе штомесяц наведаць кожную вёску. Прынцып работы перасоўнай бібліятэкі – «Кнігу – ў кожны дом».
У цяперашні час бібліятэка на калёсах абслугоўвае 24 населеныя пункты, з якіх 325 жыхароў сталі чытачамі бібліобуса. Кнігавыдача за бягучы перыяд часу складае 6681 экз., наведванняў – 1380.
У рабоце «бібліобуса» практыкуюцца сумесныя з аўтаклубам. Па водгуках жыхароў вёсак, такія сустрэчы з песняй і кнігай ўпрыгожваюць будні, робячы іх ярчэй і разнастайней. У красавіку адбыўся віншавальны канцэрт да дня Благавешчання ў Малагарадзяціцкім сельскім Савеце. Для больш якаснага абслугоўвання чытачоў бібліобуса прымяняюцца і малыя формы работы. Так, у кастрычніку была праведзена інфармацыйная хвілінка «Пісьменнікі-землякі – юбіляры года» па прэзентацыям кніг Ул. Сыракомлі і П.Шпілеўскага  з нагоды 195-годдзя з дня нараджэння, у снежні да 85-годдзя з дня нараджэння Н.Маеўскай, у маі – літаратурны парад ваеннай кнігі «Святая памятная…». У чэрвені да 85-годдзя з часу напісання паэмы Я.Купалы “Над ракою Арэсай” была прадстаўлена рэкламная і выдавецкая прадукцыя для чытачоў. Да Дня пажылых людзей у кастрычніку месяцы прайшла акцыя «Дзень мудрасці, Дабра і Павагі» з віншаваннямі для пажылых людзей.
Падчас стаянак ажыццяўляецца наглядная прапаганда літаратуры, праводзяцца тэматычныя гутаркі, рэкамендацыйныя агляды літаратуры, кансультацыі па паслугах, што аказваюцца раённай бібліятэкай. Інфармаванне чытачоў пра навінкі літаратуры вядзецца з дапамогай «Інфармацыйнага бюлетэня новых паступленняў у фонд РЦБ».
Прыезд бібліобуса ў кожную вёску багаты на незабыўныя сустрэчы з людзьмі. Пажылыя людзі – гэта катэгорыя людзей, якая патрабуе павышанай увагі і клопату з боку работнікаў культуры. Яны заўсёды з радасцю карыстаюцца паслугамі бібліобуса і з нецярпеннем чакаюць новых сустрэч з кнігай.

Графік работы бібліобуса
па абслугоўванню чытачоў маланаселеных вёсак  раёна на ІІ паўгоддзе 2019 года

Прагляд графік

Пры непрадбачаных абставінах выезд пераносіцца, чытачы папярэджваюцца па тэлефоне.