Дзень беларускага пісьменства з’яўляецца нацыянальным святам у Рэспубліцы і праводзіцца штогод у першую нядзелю верасня.
Канцэпцыя свята прадугледжвае паказ адзінства беларускага друкаванага слова з гісторыяй і культурай беларускага народа, адлюстраванне гістарычнага шляху пісьменства і друку ў Беларусі. Традыцыйна Дзень беларускага пісьменства праходзіць у гарадах, якія з’яўляюцца гістарычнымі цэнтрамі культуры, навукі, літаратуры і кнігадрукавання. Упершыню свята праходзіла ў г. Полацку ў 1994 годзе. Сталіцамі свята таксама былі Тураў, Навагрудак, Нясвіж, Орша, Пінск, Заслаўе, Мсціслаў, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глыбокае, Быхаў, Шчучын, Рагачоў, Іванава, Слонім.
У 2020 годзе Дзень беларускага пісьменства пройдзе ў горадзе Бялынічы Магілёўскай вобласці.
Асноўная ідэя свята – захаванне і развіццё духоўнай спадчыны Беларусі, прапаганда нацыянальных культурных традыцый, паказ іх узаемасувязі са славянскімі вытокамі і з сённяшнім днём, дэманстрацыя пастаяннага клопату дзяржавы аб духоўна-маральнай асвеце грамадства ў кантэксце падтрымкі кнігі і чытання, нацыянальнай літаратуры і кнігавыдаўніцтва. Штогод на свята збіраюцца тысячы гасцей з усёй Беларусі і замежжа. Адным з галоўных мерапрыемстваў Дня беларускага пісьменства традыцыйна з’яўляецца рэспубліканская навукова-асветніцкая экспедыцыя “Дарога да Святыняў з Благадатным Агнём ад Гроба Гасподняга”. Экспедыцыя праходзіць па гарадах і вёсках некалькіх рэгіёнаў краіны і завяршае свой шлях у сталіцы правядзення свята.
Праграма свята таксама ўключае Міжнародны круглы стол, удзельнікамі якога з’яўляюцца замежныя паэты і пісьменнікі, фінал Рэспубліканскага конкурсу юных чытальнікаў “Жывая класіка”, навукова-практычную канферэнцыю, прысвечаную гісторыі горада-сталіцы свята, а таксама займальныя віктарыны, квэсты, Фестываль кнігі і прэсы. Акрамя таго, гасцям і ўдзельнікам Дня беларускай пісьменнасці будзе прадстаўлена магчымасць азнаёміцца з экспазіцыямі музеяў і бібліятэк, майстроў народнай творчасці, мастакоў і г.д. на розных пляцоўках гораду. У дзень адкрыцця свята на галоўнай сцэне пройдзе цырымонія ўручэння “Нацыянальнай літаратурнай прэміі”.
План мерапрыемстваў бібліятэк ДУК "Любанская раённая цэнтральная бібліятэка" да Дня беларускага пісьменства
№ | Форма і назва мерапрыемстваў | Дата і час правядзення | Месца правядзення | Адказны |
1 | Агляд літаратуры “Беларуская кніга: шляхам стагоддзяў” |
01.09. – 08.09.2020 ў 12.00 |
Любанская РЦБ | Булдык А.К. |
2 | Падарожжа ў гісторыю “Асветнікі зямлі беларускай” | 04.09.2020 ў 12.00 | Любанская РЦБ | Булдык А.К. |
3 | Медыя-падарожжа “Пад небам беларускага пісьменства” | 06.09.2020 ў 12.00 | Любанская РЦБ | Булдык А.К. |
4 | Слайд-экскурс “Вялікія і славутыя людзі беларускай зямлі” | 01.09.2020 ў 12.00 | Любанская ДБ | Мацукевіч С.М. |
5 | Урок ведаў “Давай ганарыцца, што мы беларусы” | 01.09.2020 ў 11.00 | Малагарадзяціцкая с/б | Седзіна С.М. |
6 | Урок ведаў “Дзень добры, краіна ведаў!” | 01.09.2020 ў 10.00 | Загальская с/б | Корзун Т.І. |
7 | Пасвячэнне ў чытачы “Ох, уж эти первоклашки!” | 01.09.2020 ў 10.00 | Обчынская с/б | Верамейчык Н.А. |
8 | Класны час “Вучыся з задавальненнем” | 01.09.2020 ў 12.00 | Рэдкавіцкая с/б | Слівец М.Л. |
9 | Акцыя “Дзень беларускай кнігі” | 03.09.2020 ў 10.00 | Соснаўская с/б, ф.№ 38 | Сярпінская Н.Г. |
10 | Пазнавальны аповяд “Нам кніжку падараваў Скарына” | 05.09.2020 ў 11.00 | Ямінская с/б | Шынкарэнка Г.В. |
11 | Гутарка-прэзентацыя “Францыск Скарына — славуты і невядомы” | 05.09.2020 ў 11.00 | Дарасінская с/б | Бандарэц С.А. |
12 | Медыя-прэзентацыя “Скарына і яго кнігі” | 05.09.2020 ў 10.00 | Камунараўская с,б | Бышык Н.Г. |
13 | Літаратурная галерэя “Свята кнігі і слова” | 04.09.2020 на працягу дня | Кузьміцкая с/б | Рагалевіч В.А. |
14 | Відэа-віктарына “Нам ёсць чым ганарыцца, нам ёсць што берагчы” | 06.09.2020 ў 11.00 | Рачэнская с/б | Лапановіч В.Ц. |
15 | Відэа-віктарына “Нам ёсць чым ганарыцца, нам ёсць што берагчы” | 04.09.2020 ў 14.00 | Соснаўская с/б, ф.№ 37 | Міхайленка Ж.Д. |